Moti i ftohtë dhe ngricat kanë prekur edhe kryeqytetin. Segmenti Qafë Kashar-Rinas është bllokuar në të dy senset e lëvizjes, si pasojë e ngricave në rrugë, të cilat përbëjnë burim aksidenti.
Për shkak të bllokimit të këtij aksi, policia ka devijuar lëvizjen e mjeteve në rrugën e vjetër Vorë-Rinas.
Gjithashtu, prezencë akulli ka edhe në rrugën e Farkës, ndërsa duhet treguar kujdes dhe në rrugën e Dajtit.
Policia Rrugore ka shtuar shërbimet në rrugë për të ndihmuar dhe orientuar qarkullimin deri sa të normalizohet situata.
