Një aksident me 8 mjete ka ndodhur mbrëmjen e sotme në autostradën Tiranë-Durrës, pranë Shën Vlashit, bëjnë me dije burime të policisë.
Mësohet se shkak i këtij aksidenti ka qenë ngrica në rrugë.
Policia tha se nuk ka të lënduar, ndërsa po punon për të zhbllokuar rrugën.
Policia rrugore e Durrësit, paraditën e sotme, ka apeluar që në këtë segment rrugor të hidhet kripë, pasi ngricat dhe akulli po shndërrohen në burim aksidentesh, duke qenë edhe një nga segmentet më të mbingarkuar me lëvizje.
Ajo i ka kërkuar edhe Bashkisë Durrës të marrë masa urgjente për sigurimin e sasisë së kripës dhe hedhjen e saj në rrugë, pasi vihen në rrezik jetët e udhëtarëve që e përshkrojnë këtë segment rrugor.
