Një ngjarje e rëndë ka ndodhur mbrëmjen e së hënës në zonën e Kombinatit në Tiranë.
Burime nga policia bëjnë me dije se një 55-vjeçar është akuzuar me akuzën e përdhunimit. Ai dyshohet se ka joshur dhe më pas ka dhunuar seksualisht një 17-vjeçare në banesën e saj.
Adoleshentja raportohet se vuan nga problemet e shëndetit mendor megjithatë kallëzimin në polici e ka bërë vetë ajo.
Rastet e këtyre ngjarjeve të rënda janë bërë problematike kohët e fundit. Në datën 28 korrik një person u arrestua në Divjakë për përdhunimin e një të miture ndërsa tri ditë më vonë tre persona të tjerë u arrestuan pasi kishin abuzuar seksualisht me një të mitur dhe kishin vjedhur një shumë prej 5000 mijë eurosh. /Opinion.al
