Kryeministri Edi Rama ka shprehur ngushëllimet e tij për masakrën e ndodhur në Beograd, ku mbetën të vrarë 9 persona në një shkollë fillore.
Lidhur me këtë ngjarje kryeministri Rama, ka reaguar përmes një postimi në rrjete sociale ku shkruan në gjuhën serbe dhe angleze mesazhet që shprehin ngushëllimet tek familjarët e viktimave.
“Ishte jashtëzakonisht trishtuese kur mora vesh për sulmin në një shkollë të Beogradit. Ngushëllimet më të thella ndaj familjeve të viktimave dhe të gjithë popullit dhe autoriteteve serbe. U uroj shërim të shpejtë të gjithë të plagosurve në këtë ngjarje tragjike”, shkruan Rama.
Kryeministri Rama shkroi se janë pikërisht këto momente ato që na bëjnë të kuptojmë se njerëzimi është gjëja më e vlefshme.
“Këto janë momentet në jetë kur ne të gjithë e kuptojmë se njerëzimi ynë është gjëja më e vlefshme që të gjithë kemi të përbashkët dhe kur dhimbja dhe pikëllimi na kujtojnë vlerën e bashkimit në kohë të mira dhe të këqija. U prehshin në paqe ata që u ndanë nga jeta”, shtoi në serbisht kryeministri.
14-vjeçari i identifikuar si Kosta Keçmanovic vrau me armë zjarri nëntë persona, mes tyre 7 nxënës të një shkolle, një mësuese dhe roja i sigurisë.Mediat dyshojnë se shkak i sulmit është bërë mllefi që pati me mësuesen e historisë./Opinion.al
It is incredibly saddening to hear about today’s indiscriminate shooting in a Belgrade school💔My deepest condolences go out to the families of the victims, as well as to the Serbian people and authorities. I wish a speedy recovery to those who were injured in this tragic event🫶
— Edi Rama (@ediramaal) May 3, 2023
Ovo su oni trenuci u životu kada svi shvatimo da je naša ljudskost najvrednija stvar koju svi imamo zajedničko i kada nas bol i tuga podsećaju na vrednost zajedništva u dobrim i lošim vremenima. Neka počivaju u miru oni koji su preminuli🙏
— Edi Rama (@ediramaal) May 3, 2023
