Janë zbardhur të tjera detaje nga ngjarja e pak minutave më parë në rrugën “Don Bosko” ku policia gjatë ushtrimit të një kontrolli për lëndë narkotike, i ka bërë me shenjë një mjeti për të ndaluar, por drejtuesi i saj ka zgjedhur të çajë postbllokun. Sipas raportimeve nga terreni mësohet se policia ka qëlluar në ajër, pasi makina ka tentuar të çajë postobllokun e policisë. Për pasojë, raportohet se është plagosur shoferi që drejtonte automjetin i cili nuk i është bindur urdhrit të efektivëve për të ndaluar për kontroll.
I plagosuri ndodhet ne spitalin e Traumës, jashtë rrezikut për jeten.
Ai është vënë në pranga, por ende nuk dihet identiteti i tij.
Ngjarja ka ndodhur pasditen e se martes, por eshte mesuar vetem ne orët e mbremjes. Policia nuk ka dalë ende me një informacion zyrtar.
