Kishte vetëm një ditë që kishte filluar punë si kamarier por kjo do të ishte dhe dita e fundit e jetës për Myzerim Zenelin 20-vjeç, i cili mbeti i vrarë në konfliktin me armë të ndodhur në mbrëmje në Velipojë.
Tv Klan raporton se përplasja me armë mes familjes Ferracaku dhe Gocaj nuk kurseu as kamrierin që punonte në hotelin e familjes Gocaj.
Ai ndodhej bashkë me anëtarët e familjes Gocaj dhe punëtorë të tjerë në momentin kur familja Ferracaku ka nisur t’i sulmojë me armë.
Përveç 20-vjeçarit, të vrarë pas konfliktit që dyshohet se nisi për hapësirat në plazh mbetën Kujtim Ferracaku dhe vëllezërit Edmond Gocaj dhe Xhovan Gocaj./Opinion.al
