Dy personat që mbetën të plagosur në mesnatë si pasojë e përplasjes me armë zjarri të regjistruar në Velipojë ndodhen jashtë rrezikut për jetën.
Hasan Ferracaku dhe 17-vjeçarit Elmilind Dyli ndodhen të shtruar në Spitalin e Traumës në kryeqytet.
Neës 24 raporton se Hasan Ferracaku ka dëmtime në dorë dhe parakrah, ndërsa Elmilind Dyli, nipi i viktimës Kujtim Ferracaku ka lëndime tek gjuri i këmbës.
Të dy këta persona dyshohen si autorë të përfshirë në konfliktin e armatosur ku u vranë dy vëllezërit Gocaj, 20-vjeçari Myzerim Zeneli si dhe Kujtim Ferracaku.
Sipas policisë ngjarja ndodhi si pasojë e konfliktit për hapësirat në plazh.
