Një viktimë dhe katër të plagosur ishte bilanci i atentatit të ndodhur mbrëmjen e 4 Janarit në zonën e “Don Boskos”. Ndërkohë sot një ditë pas ngjarjes së rëndë, mësohet se si është gjendja shëndetsore e katër të plagosurve.
Sipas news 24, Arben Dani dhe Azbi Selmanaj ndodhen në pavion dhe janë jashtë rrezikut jetën.
Ndërkohë daja i dy vëllezërve Çela, Edmond Crroj i cili mbeti i plagosur në pjesën e barkut, i është nënshtruar një ndërhyrje kirurgjikale dhe ndodhet në gjendje të rënduar dhe ka nevojë për monitorim të vazhdueshëm nga bluzat e bardha.
Po ashtu e rënduar është gjendja shëndetësore e vëllait të viktimës i cili ka mbetur i plagosur në pjesën e fytyrës. Mësohet se me kërkesë të familjarë, Blerim Çela tashmë po merr trajtim shëndetësor në një spital privat. Viktimë e këtij atentati mbeti 35-vjeçari Erion Çela.
