Rajoni

Ngjarja në Prishtinë/ Mjeku jep detaje për gjendjen e të plagosurve


               Publikuar në : 20:42 - 05/09/19 |
Al Do

Dy personat e plagosur nga të shtënat me armë zjarri në rrugën “Muharrem Fejza” në Prishtinë janë duke ju nënshtruar ndërhyrjeve kirurgjikale pasi ndodhen në gjendje të rëndë.

Avdush Bajgora, specialist reanimator, tha se dy personat të cilët ndërruan jetë kishin marrë plagë në kokë dhe në kraharor ndërsa jep detaje edhe për dy personat e tjerë të plagosur.

“Kanë ardhur në gjendje shumë të rëndë, dy kanë ndërruar jetë, njëri ka qenë i goditur me armë zjarri në kokë dhe nuk u ka mbijetuar plagëve, ndërsa pacienti tjetër ka qenë i lënduar në kraharor, gjithashtu me armë zjarri dhe nuk ka mundur t’u mbijetojë plagëve. Momentalisht në sallat emergjente kirurgjike janë duke u kryer dy intervenime kirurgjike, njëri ka lëndime në kokë gjithashtu me armë zjarri, është duke intervenuar ekipi i neurokirurgjisë, ndërsa pacienti tjetër i cili ka lëndime të enëve vitale të ekstremiteteve, është duke intervenuar ekipi i kirurgjisë vaskulare”, tha Bajgora.

Rreth orës 16:00 në rrugën “Muharrem Fejza” në Prishtinë ka patur të shtëna me armë zjarri. Si pasojë kanë mbetur të vrarë dy persona dhe kanë mbetur të plagosur dy të tjerë. Nga burimet bëhet e ditur se personi i parë që ka vdekur është B.Mehmeti, ndërsa i dyti që ka ndërruar jetë është M. Rafuna 47 vjeç. Sipas burimeve të plagosurit e tjerë janë një 76 vjeçar me inicialet G.R dhe një 51 vjeçar me inicialet F.R. Dëshmitarët thonë se konflikti ka ndodhur për probleme pronësie mes familjeve Mehmeti dhe Rafuna. /Opinion.al

Pas