Mbrëmjen e djeshme katër persona mbetën të plagosur gjatë një konflikti mes dy grupeve në Levan, duke vijuar më pas dhe në spitalin e Fierit, ku degjeneroi deri në përdorimin e armëve brenda ambienteve të urgjencës.
Ndërkohë, dy mjekët nëndrejtori Teknik, Ramadan Çepele, dhe mjeku reanimator, Kliton Gjerazi kanë folur në lidhje me gjendjen shëndetësore të të plagosurve.
Dy mjekët, shprehen se të katërt të plagosurit janë jashtë rrezikut për jetën ndërsa dy nga të plagosurit i janë nënshtruar opracionit për shkak të plagëve të marra.
“Për të dhënë informacion më të detajuar për ngjarjen e mbrëmshme. Në Spitalin e Fierit kemi pesë persona, dy janë në reanimacion dhe tre të tjerët në pavion, jashtë rrezikut të gjithë”, ka deklaruar nëndrejtori Teknik, Çepele.
Ndërkohë, mjeku Gjerazi shprehet se; “Njëri ka bërë operacion, kishte një plagë në bark, por që u ndërhyrë menjëherë nga mjekët kirurg. Dhe një tjetër kishte po një plagë shpuese, por që nuk ishin prekur organet. Personi i plagosur me armë zjarri kishte dy plagë, në dorë dhe në shpatull, pa qenë plumbi brenda. Dy personat e tjerë të goditur, të rrahur, me trauma sipërfaqësore, por nuk rezultojnë me rrezik. Nuk kemi njoftim për persona të tjerë të ardhur në spital nga kjo ngjarje.Ne kemi reaguar menjëherë me eko, skaner, analiza gjaku. Mjekët kanë qenë prezentë, katër kirurgë, mjeku i gjakut erdhi nga shtëpia. Nuk ka pasur probleme të rrezikohet jeta e tyre për shkak të mungesës së shërbimit. Sa i përket rendit, ai duhet diskutuar, sepse është e shëmtuar që në spitalet tona ndodhin akoma ngjarje të tilla. Nuk kemi çfarë të themi”./ Opinion.al E.Xh.
