Aktualitet

Ngjarja në Elbasan, Meta: PD kallëzoi 40 “çuna problematikë” që më 7 prill


Bëhu pjesë e Grupit Zyrtar të Opinion.al
>> KËTU <<
               Publikuar në : 12:02 - 24/04/21 |
Opi Nion

Presidenti Ilir Meta ka dalë në një konferencë për shtyp një ditë para zgjedhjeve të 25 prillit.  Gjatë fjalës së tij, Meta deklaroi se Partia Demokratike kishte kallëzuar në SPAK që më 7 prill 40 shtetas të “angazhuar pranë PS-së në Elbasan duke kryer vepra të krimit zgjedhor.”

Kreu i shtetit tha se mes të kallëzuarve ishin edhe persona të përfshirë në përplasjen me armë ku u vra Pjerin Xhuvani, por kjo Prokurori sipas tij në vend që të niste hetimet, pas 8 ditësh ia përcolli kompetencën Prokurorisë së Elbasanit.

“Më 7 prill, PD ka paraqitur në SPAK një kallëzim penal, sipas të cilit, kërkohej hetimi i 40 shtetasve, që ishin të angazhuar në favor të PS, duke konsumuar në mes të Elbasanit vepra të krimit zgjedhor dhe vepra të tjera penale.

Në kallëzimin e PD janë emrat e gjithë atyre që janë përfshirë në ngjarjen e 21 prillit në Elbasan. Por, çfarë ka ndodhur? SPAK, në vend që të niste hetimet, pas 8 ditësh, përmes një shkrese të datës 15 prill, ja ka përcjellë këtë kallëzim Prokurorisë së Elbasanit. Pra, ka pritur 8 ditë, ka menduar çfarë të bëj me këtë shkresë, duke bërë ping-pong. Një ditë para se të ndodhte hataja, Prokuroria e Elbasanit ka njoftuar z.Gazment Bardhit, si kallëzues, për të dhënë shpjegime, duke i caktuar të paraqitet në Prokurori më 30 prill në orën 10:00, pra pasi të ishin vjedhur zgjedhjet.

Duket qartë që SPAK, Prokuroria e Elbasanit, kanë bërë çmos që personat e kallëzuar nga PD të mos hetohen para fushatës, para zgjedhjeve, duke ju krijuar atyre me qëllim terrenin për blerje votash në favor të partisë në pushtet. Për këtë më 21 prill ndodhi konflikti i armatosur, nga po të njëjtët njerëz të kallëzuar nga PD. Nëse SPAK do të kishte vepruar në kohë, këta 40 persona do të ishin në burg, por ama nuk do të kishim asnjë viktimë, asnjë të plagosur, dhe do të ishte shumë i qetë Elbasani e gjithë vendi. Kjo është e vërteta e fakteve. E gjithë bota është alarmuar mbi atë që ka ndodhur në Shqipëri para 4 vitesh, para 2 vitesh me zgjedhjet e paligjshme, me ngjarjet që kanë ndodhur tani, ndërsa organet tona ligjzbatuese, nuk reagojnë në kohë, por vazhdojnë ping-pongun e dosjeve të Shijakut dhe Dibrës”, tha Meta./Opinion.al

Pas