Fqinjët e familjes Meta në Shënavlash të Durrësit kanë rrëfyer se dyshojnë që në vrasjen e babait të saj, 19-vjeçarja Hygerta Meta ka patur bashkëpunëtorë.
Sipas News 24, njëri prej tyre, i cili e ka banesën përballë familjes Meta, ka treguar se nuk kanë dëgjuar të shtëna me armë.
“Nuk kemi dëgjuar asnjë të shtëna me armë zjarri. Dyshojmë se mund të ketë edhe persona të tjerë të përfshirë në krim”, ka deklaruar ai, duke shtuar se dijeni për ngjarjen ka marrë vetëm 3 ditë pas zhdukjes së viktimës.
Ndërkohë bashkëshortja e viktimës ka dëshmuar para hetuesve se 50-vjeçari ka qenë autoritar dhe të gjitha vendimet i merrte pa pyetur askënd.
