Ngjarja e rëndë e ndodhur ditën e djeshme në Roskovec, ku vjehërri vrau bashkëjetuesen e djalit dhe më pas veten tronditi mbarë opinionin publik.
Mësohet se sot dy viktimat do të përcillen për në banesën e fundit.
61-vjeçari Xhavair Hoxha, do të përcillet për në banesën e fundit në fshatin e tij Vidhishtë, ndërsa 30-vjeçarja Merushe Hazizi do të prehet në varrezat pranë familjes së saj.
30-vjeçarja ishte nënë e 3 fëmijëve nga martesa e parë dhe fëmijët jetonin me ish-bashkëshortin, teksa ajo kishte 3 vite që bashkëjetonte me shtetasin Fatjon Hoxha.
Krimi i rëndë në familje ndodhi pas konflikteve të vazhdueshme për shkak të mospranimit të kësaj lidhjeje nga 61-vjeçari.
Ndërkohë detaje zbuloi dhe gruaja e Xhevahir Hoxhës. Ajo tha se i shoqi dhe bashkëjetuesja e djalit kishin konflikte të vazhdueshme. Sipas saj 61-vjeçari deklaronte në fshat se do ta vriste nusen, por shtoi se vetë asaj nuk ia merrte mendja se ai do ta bënte këtë veprim të rëndë.
