Gjykata e Pogradecit ka vendosur masën e sigurisë “arrest me burg” për 44-vjeçarin Olsi Çekiçi, i cili vrau nënën e tij katër ditë më parë.
Ngjarja e rëndë ndodhi në fshatin Buçimas, ku pas një zënke me vajzën e tij e më pas me nënën 71-vjeçare, Olsi Çekiçi e goditi këtë të fundit me thikë e më pas i preu kokën.
Ai u shfaq sot i qetë në Gjykatë teksa u njoh me masën e sigurisë.
44-vjeçari rezulton se vuante nga probleme të shëndetit mendor. Ai kishte një kartelë në psikiatrinë e Elbasanit. Olsi Çekiçi i njohur ndryshe si “Lorja” ishte person problematik në zonën ku banonte. Ai ishte denoncuar disa herë për dhunën e ushtruar ndaj nënës së tij por ajo kishte tërhequr më pas kallëzimin.
