Një ngjarje e rëndë ka ndodhur mëngjesin e kësaj të enjteje në lagjen San Basilio të Romës.
Sipas mediave italiane, një police e identifikuar si Paola Romani është ekzekutuar në hyrje të një pallati dhe më pas autori është larguar në drejtim të paditur.
Policia bën me dije se dyshojnë se autori i vrasjes është bashkëshorti i saj, gjithashtu polic, i cili punonte në komisariatin e Sant’Ippolito.
Agjentja Paola Romani, e martuar me Montanaron, nuk ishte sot në detyrë dhe nuk kishte shkuar në dhomën e deputetëve, ku shkon zakonisht.
Punonjësit e policisë kanë ndërhyrë në vendin e ngjarjes, të sinjalizuar nga disa persona që kishin dëgjuar të shtënat dhe gjetën trupin të shtrirë në hyrje të një pallati.
Sipas burimeve disa dëshmitarë kishin parë një makinë të mbërrinte para ndërtesës duke u drejtuar nga një burrë, i cili pasi doli nga automjeti qëlloi me armë zjarri tre herë në drejtim të gruas.
Pas ekzekutimit mësohet se autori është larguar në drejtim të paditur, por u gjet i pajetë nga policia pak momente pas ngjarjes.
Sipas hetimeve dyshohet se ai ka qëlluar veten me armë zjarri jo shumë larg vendit të krimit./Opinion.al
