Është arrestuar sot një person super i kërkuar nga drejtësia, Ermal Binjaku. Ai ishte shpallur në kërkim për atentatin e Mbrostarit ku mbeti i vrarë Granit Kasaj më 8 Janar të vitit të kaluar dhe u plagosën dy persona të tjerë Klement Kastrati dhe Elton Margariti. Më herët janë arrestuar edhe dy bashkëpunëtorët e tij Ylli Nazëraj dhe Ilir Memushajt.
Po kështu është arrestuar për këtë çështje Florian Bushi që mbante detyrën e agjentit të SHISH deri në 21 janar, ditë kur u prangos. Prokuroria thotë se i ka të faktuara rolet e të gjithë persona të arrestuar. Florian Bushi siguronte informacion për lëvizjen e Klement Kastratit (objektiv i sulmit) që mbeti i plagosur në atë ngjarje. Këto informacione i kalonin nëpërmjet telefonit Ilir Memushajt, i cili ia dërgonte më pas Ermal Binjakut. Ndërsa roli i Ylli Nezeraj është se ka ndihmuar Ermal Binjakut dhe Ilir Memushajn.
Për sa i përket arrestimit të 28 vjeçarit policia tha se ai po tentonte të kalonte në pikën kufitare të Kakavijës rreth mesnatës (ora 00:47). Pas intervistimit dhe verifikimeve të bëra nga punonjësit e policisë në sitemin ”TIMS”, ky shtetas ( Ermal Binjaku) rezultoi se është person në kërkim dhe iu vendosën prangat. /Opinion.al
