Sot rreth orës 12:00 gazetarët mësuan përmes burimeve se në garazhin e Gardës së Republikës është gjetur pajetë një gardist, me detyrë shofer i ministrit të Brendshëm Fatmir Xhafaj. Pas raportimit të këtij lajmi, Garda e Republikës përmes një njoftimi të shkurtër, konfirmoi ngjarjen duke thënë se viktima është Shkelzen Qordja, 31 vjeç.
Çfarë dihet deri tani
Viktima: Shkelzen Qordja, 31 vjec, punonjës i Gardës me detyrë shofer i ministrit të Brendshëm
Ora: Ngjarja ka ndodhur në 9:30 të mëngjesit të sotëm.
Vendi: Brenda garazhit të caktuar për mjetet e Ministrisë së Brendshme.
Nga këqyrja paraprake, viktima ka një plumb në kokë.
Brenda makinës është gjetur pistoletë që dyshohet se është arma e tij e shërbimit.
7 gëzhoja janë gjetur në garazhin e Gardës, në vendin ku qendrojnë makinat e ministrisë
Grupi hetimor, që drejtohet nga një prokuror i gatshëm i prokurorisë së Tiranës dhe oficerë të policisë së Tiranës janë në vendin e ngjarjes. Prokuroria po heton në dy pista: Atë të vrasjes dhe të vetëvrasjes.
Theksojmë se Policia e Shtetit ende nuk ka njoftuar zyrtarisht për ngjarjen e rëndë edhe pse kanë kaluar mbi 3 orë nga krimi i rëndë në një institucion të rëndësisë së veçantë, si Garda e Republikës.
/Opinion.al
*foto e viktimes, marre nga rrjetet sociale
*Pamje nga ambientet e jashtme te gardes
