Pas 1 viti e gjysëm dhe ping-pongu kompetencash janë mbyllur hetimet për ngjarjen e rëndë të Elbasanit, ku u godit makina e policisë. Krimet e Rënda kanë dërguar dosjen në gjykatë dhe akuzojnë Suel Çelën, Enea Bekteshin e Kelmend Xhaferrin për “vrasje të punonjësve të Policisë së Shtetit” mbetur në tentativë, e kryer në bashkëpunim.
Pamjet e 18 Shtatorit të 2017-ën janë publikuar ekskluzivisht nga emisioni “Opinion” tre ditë pas ngjarjes. Në pamjet shihet Audi luksoz që godet makinën e zv/drejtorit të policisë, Gjergj Oshafi.
Nga hetimet e prokurorisë, rezulton se në drejtim të këtij mjeti ishte Suel Cela, djali i biznesmenit Petrit Cela. Këto veprime, – sipas prokurorisë – vunë në rrezik jetën e oficerëve të policisë, të cilët ndodheshin në detyrë.
Ndërsa Balkanweb raporton se “të pandehurit, Çela, Kelmendi dhe Bekteshi, janë hetuar edhe për dy ngjarja të tjera kriminale të ndodhura në Elbasan. Bëhet fjalë për masakrën e 3 shkurt 2016, ku në lagjen Emin Matraxhiu janë vrarë me armë zjarri, Agron Capja, Eno Bedalli, Ardit Sinakolli dhe janë plagosur disa persona të tjerë, si dhe ngjarjes, e datës 6 qershor 2016, ku u plagosën, Bledar Muca dhe Matilda Kermezo. Por, prokuroria nuk ka gjetur prova për implikimin e tyre në ngjarje./Ri-De
*Pamjet e publikuara nga Opinion në Shtator 2017
