Në ndeshjen e 7 shtatorit mes Francës dhe Shqipërisë, himni i kombëtares sonë u ngatërrua me atë të Andorrës duke vonuar nisjen e ndeshjes. Për këtë episod u kërkua ndjesë nga organizatorët dhe nga Presidenti Makron.
Më vonë u zbulua se gabimi ishte i paqëllimshëm pasi në postën e regjisë së stadiumit ishin dërguar dy emaile me dy himnet, të Shqipërisë dhe të Andorrës pasi Franca luante dy ndeshje radhazi në shtëpi në shtator dhe gabimisht personi i autorizuar për hapur emailin që do të luante dhe himnin u ngatërrua për shkak të kodit të emailit duke zgjedhur himnin e Andorrës.
Gazeta franceze L’equipe ka raportuar sot se UEFA ka marrë një vendim në lidhje me këtë episod. Federata Franceze e Futbollit është dënuar me 20 mijë euro për ”organizim të pamjaftueshëm të ndeshjes”. /Opinion.al
