Një ngjarje aspak e zakonshme ka ndodhur ditëne sotme në Korçë.
Policia njofton se një grua 31-vjeçare, e identifikuar me iniciale Xh.A , teksa tentonte të parkonte makinën ka humbur kontrollin duke shtypur gazin në vend të frenave. Si pasojë e këtij veprimi makina ka dalë mbi trotuar dhe ka përplasur një këmbësor.
I dëmtuari është identifikuar si J. P., 47 vjeç, banues në fshatin Lavdar, Korçë. I plagosuri është sjellë me urgjencë për në spitalin e Traumës në Tiranë, teksa nuk bëhet me dije gjendja e tij shëndetësore.
Njoftimi i policisë:
Mëngjesin e sotëm, në lagjen nr. 9, Korçë, pranë ish-Valutës, shtetasja Xh. A., 31 vjeçe, banuese në Korçë, gjatë kryerjes së manovrave për parkim, ka humbur kontrollin e mjetit tip “Benz” të cilin drejtonte dhe për pasojë, ka hipur mbi trotuar duke dëmtuar kalimtarin J. P., 47 vjeç, banues në fshatin Lavdar, Korçë.
Ky shtetas pas mjekimit të marrë në Spitalin e Korçës, u transportua në Tiranë për mjekim më të specializuar. Drejtuesja e mjetit, ndodhet e shoqëruar në Komisariat ku po kryhen veprimet e nevojshme procedurale.
Grupi hetimor po punon për të sqaruar rrethanat e aksidentit./Opinion.al
