Disa student kanë mbetur të plagosur gjatë një konflikti të ndodhur ditën e djeshme në Qytet Studenti. Mësohet se sherri ka nisur brenda ambienteve të Fakultetit Ekonomik,ku dy djem të paidentifikuar ende, kanë hyrë në një orë mësimi që po zhvillonte grupi F 313.
Dhe pse ata nuk ishin student, pedagogia i ka pranuar ata që të qëndronin në orën e mësimit. Por, dy djemtë gjatë orës së mësimit kanë nisur të ngacmojnë me fjalë banale disa nga vajzat e kursit.
Pas këtyre veprimeve, studentët që ndodheshin në klasë u kanë dal në mbrojtje shoqeve të tyre duke u përfshirë në një konflikt verbal me dy djemtë të e tjerë.
Por, përplasja e tyre nuk ka përfunduar aty. Djemtë të cilët ngacmuan vajzat në auditor, i kanë pritur studentët jashtë ambienteve të Fakultetit të Ekonomikut, duke u përplasur fizikisht.
Dy agresorët kishin mbledhur dhe disa djem të tjerë dhe i kanë sulmuar studentët në Sheshin Demokracia të Qytetit Studenti. Ndërkohë, studentët e lënduar po marrin mjekimin e nevojshëm në spitalin e Ushtarak./ Opinion.al
