Një 57-vjeçar është arrestuar nga Policia e Tiranës pasi akuzohet se ka ngacmuar seksualisht vajzën e mitur të bashkëshortes së tij.
Policia tha se i arrestuari, i identifikuar me inicialet A.H., e ka ngacmuar vazhdimisht 16-vjeçaren dhe ndalimi i tij është bërë pas denoncimit të bashkëshortes apo nëna e të miturës.
Mbi 57-vjeçarin rëndojnë akuzat “Marrëdhënie seksuale ose homoseksuale me persona në gjini ose nën kujdestari” dhe “Ngacmimi seksual”.
“Specialistët për Hetimin e Krimeve në Komisariatin e Policisë Nr. 4 bënë arrestimin në flagrancë të shtetasit A. H., 57 vjeç. Ky shtetas ka ngacmuar seksualisht në mënyrë të vazhdueshme, një 16-vjeçare (vajzën e bashkëshortes së tij). Pas informacioneve të marra në rrugë operative dhe denoncimit nga mamaja e 16-vjeçares u bë arrestimi i 57-vjeçarit, për veprat penale “Marrëdhënie seksuale ose homoseksuale me persona në gjini ose nën kujdestari” dhe “Ngacmimi seksual”,”-njofton policia./Opinion.al
