Gjykata e Korçës ka dënuar me 3.4 vite burg Rudolf Merollin, babain që një vit më parë u denoncua nga vajza e tij për ngacmim seksual.
Mësohet se prokuroria kërkoi dënimin me 6 vite burg për Merollin, ndërsa gjykata e dënoi 37-vjeçarin me 5 vite burg. Për shkak të gjykimit të shkurtuar, në finale ai do të vuajë dënimin 3 vite e 4 muaj burg.
Kujtojmë se 37-vjeçari ka deklaruar më parë se natën që ka ndodhur ngjarja ka qenë nën efektin e substancave narkotike dhe nuk mbante mend asgjë.
Merolli u akuzua nga vajza e tij për ngacmim seksual, ndërsa në media u publikuan dhe përgjimet të bisedave të zhvilluara në banesë me vajzën, të regjistruara nga kjo e fundit./Opinion.al
