Një 25-vjeçar u arrestua nga Policia e Tiranës pasi akuzohet se ngacmoi seksualisht dy vajza. Fillimisht, një prej vajzave që ra pre e ngacmimit seksual ishte një 15-vjeçare e cila kallëzoi në polici se një shtetas i paidentifikuar e kishte ngacmuar atë seksualisht, në ashensorin e pallatit ku ajo banon. Po ashtu, nga veprimet hetimore ka rezultuar se 25-vjeçari i arrestuar ka ngacmuar seksualisht edhe një shtetase të huaj në parkingun e një qendre tregtare.
“Në kuadër të operacionit policor të koduar “HARASSMENT” është vënë në pranga 25-vjeçari Xhejson Bregu, i cili ngacmoi seksualisht 2 vajza.
Arrestimi i tij erdhi pas kallëzimit të bërë nga një e mitur 15-vjeçare, e cila e kallëzoi në polici për ngacmim seksual në ashensorin e pallatit ku ajo banon. Po ashtu, nga veprimet hetimore ka rezultuar se 25-vjeçari i arrestuar ka ngacmuar seksualisht edhe një shtetase të të huaj në parkingun e një qendre tregtare.
Gjatë kontrollit fizik, shërbimet e Policisë i gjetën 25-vjeçarit, një sasi lënde të dyshuar narkotike kanabis, e cila u sekuestrua në cilësinë e provës materiale”-njofton policia.
Materialet i kaluan Prolurorisë, për veprime të mëtejshme procedurale.
