Berhan Bajrakurti, polic në komisariatin e Malësisë së Madhe, u arrestua dje pas publikimit në media të një video me përmbajtje të turpshme ku ai shfaqej.
Video u tha se u denoncua nga nëna e një minoreneje, e cila pretendon se vajza e saj 15 vjeçare është ngacmuar seksualisht nga Bajrakurtaj.
Sot Barjakurtaj, ka dhënë dëshminë e tij, në Drejtorinë e Policisë Vendore në Shkodër, ku ka pranuar se video është e tij.
Por ai ka mohuar akuzat se ka ngacmuar seksualisht një 15 vjeçare.
53-vjeçari është marrë për një orë në pyetje nga zyrtarë të Shërbimit për Çështjet e Brendshme dhe Ankesat të ardhur nga Tirana, por i ka qëndruar faktit se nuk ka asnjë lidhje me të mitur apo me akuzat që janë bërë nga nëna e saj, që pretendon se është kanosur dhe shantazhuar.
Megjithë mohimin e akuzave, Policia e Shtetit si edhe Prokuroria Shkodër, kanë nisur hetimet për zbardhjen e rrethanave të ngjarjes, si edhe verifikimin e pretendimeve të nënës së vajzës së të miturës, e cila ka deklaruar se ka shkuar për të bërë kallëzim në Komisariatin e Koplikut, por nuk i është marrë denoncimi. Dl
