Ish-zëvendëspresidenti i Shteteve të Bashkuara, Joe Biden u zotua se do të jetë më i kujdesshëm në kontaktet fizike me gratë, pasi u akuzua për sjellje të pahijshme. Biden postoi një video në Twitter ku pranon përgjegjësinë e tij në këto raste duke thënë se në të ardhmen do të respektojë hapësirën personale të grave.
“Normat sociale po ndryshojnë, unë e kuptoj këtë dhe kam dëgjuar se ç’kanë thënë ato gra. Për mua politika ka qenë gjithmonë të krijoj lidhje, por do të jem më i kujdesshëm për të respektuar hapësirën personale në të ardhmen. Kjo është përgjegjësia ime”, ka thënë ai.
Në ditët e fundit, katër gra e akuzuan Bidenin për prekje të pakëndshme. Ai shihet si kandidat i mundshëm për zgjedhjet presidenciale të vitit 2020 në SHBA, edhe pse ende nuk e ka shpallur kandidaturën e tij./Opinion.al
Social norms are changing. I understand that, and I’ve heard what these women are saying. Politics to me has always been about making connections, but I will be more mindful about respecting personal space in the future. That’s my responsibility and I will meet it. pic.twitter.com/Ya2mf5ODts
— Joe Biden (@JoeBiden) April 3, 2019
