Mbi reperin amerikan R Kelly rendojnë 10 akuza për abuzime seksuale, ku të paktën 9 prej tyre përfshijnë të mitur. Ylli i rrymës R&B, emri i vërtet i të cilit është Robert Sylvester Kelly është përballur prej vitesh me akuza të tilla nga të mitur dhe vajza.
Megjithatë ai kurrë nuk është dënuar më parë dhe i ka mohuar gjithmonë këto akuza. Një urdhër arresti është lëshuar këtë të premte për 52-vjeçarin nga policia e Chicagos, duke e çuar reperin në pranga.
Sipas avokatit të tij, R Kelly, ndihet thellësisht i zhgënjyer dhe i mërzitur nga këto akuza, si dhe vijon t’a quajë veten të pafajshëm. Akt-akuza për reperin ka ardhur vetëm pak javë pas trasmentimit të dokumentarit për të “Surviving R Kelly”.
Në këtë dokumentar u trajtuan akuzat e viteve të fundit kundër tij nga shumë gra, përfshirë edhe ish-bashkëshorten. R Kelly iu dorëzua policisë së Çikagos mbrëmjen e të premtes pas akuzave. Sipas prokurorisë abuzimet seksuale kanë ndodhur mes viteve 1998 dhe 2010. Dokumentet thonë se të paktën tre nga viktimat ishin të moshës midis 13 dhe 16 vjeç. Prokurori Kim Foxx u shpreh se reperi mund të marrë një dënim maksimal prej 7 vjetësh për çdo akuzë./Xh.K/Opinion.al
