“Presidenti i SHBA, Donald Trump do të vuajë nga një sëmundje vdekjeprurëse në vitin 2020 dhe ai i Rusisë, Vladimir Putin do t’i mbijetojë një atentati. Ndërsa Europa do të përballet me një sulm kimik nga ekstremistët myslimanë”. Këto janë profecitë që personazhi i njohur me nofkën Baba Vanga ka bërë për vitin 2020.
Baba Vanga, e njohur ndryshe si ‘Nostradamusi i Ballkanit’ është një figurë mistike për ata që besojnë në parashikime dhe teoritë konspirative.
Ajo ndërroi jetë në vitin 1996 por parashikimet e saj shkojnë deri në vitin 5079. Sa i përket vitit që vjen ajo ka bërë parashikime shqetësuese për Shtëpinë e Bardhë, Kremlinin dhe qytetarët e Europës.
Profecitë që i atribuohen Baba Vangës për vitin 2020 thonë se presidenti Trump do të diagnostikohet me tumor në tru që do ta lerë atë shurdh dhe madje mund t’i marrë dhe jetën. Mistikja bullgare gjithashtu parashikon dhe një tentativë vrasje të Vladimir Putin nga brenda Kremlinit dhe është e paqartë nëse lideri rus do t’i mbijetojë kësaj gjëje.
Megjithatë, presidentët Trump dhe Putin mund të rrinë të qetë nga fakti se parashikimet e vitit të kaluar ishin shumë të ngjashme dhe asnjë fat i keq nuk i përndoqi ata gjatë 2019. /Opinion.al
