Drejtuesi i emisionit televiz “Opinion”, Blendi Fevziu ka shpërndarë në rrjetet sociale foto me disa armë dhe mjete të tjera luftarake nga muzeu ku janë vendosur armët e përdorura nga ushtria shqiptare gjatë 110 viteve të historisë së saj.
Ndër armët e postuara, Fevziu veçon pushkën e emërtuar ‘Karajfile’, e cila sipas tij ka qenë për shumë kohë krenaria e prodhuesve shqiptarë në Shkodër, Prizren, Tetovë dhe Berat.
“Karajfile – ky eshte emri i pushkes qe ka qene per shume kohe krenaria e prodhuesve shqiptare ne Shkoder, Prizren, Tetove e Berat. Karajfilja ishte nje prodhim autentik venecian i firmes Carlo & figli, por qe u persos dhe u shnderrua ne nje veper arti nga prodhuesit shqiptare. Sipas fjalorit shqiptar: Pushka karajfil/e, është një dyfek i gjatë, që mbushej nga gryka dhe shkrehej me strall. Ajo eshte 1.5 metra e gjate dhe ne Shqiperi prodhohej e dekoruar me filigram, argjend dhe qyte fildishi. Per bukurine e prodhimit, Karajfilja shqiptare u be me e famshme dhe shume me e kerkuar sot nga koleksionistet se sa vete mema veneciane. Ne Europe u perdor deri ne mes te viteve 1700 por ne Shqiperi qe popullore edhe 100 vjet me pas. Ajo eshte arma me e bukur e prodhuar nga mjeshtrat shqiptare”, shkruan Blendi në “Facebook”.
Ndër të tjera, gazetari bën me dije se shumë shpejt në “Opinion”, do të transmetohet një emision dedikuar pikërisht këtyre armëve, të përdorura ndër vite.
“Një muze fantastik i armëve të ushtrisë shqiptare gjatë 110 viteve të historisë së saj, së shpejti në Opinion”, shkruan gazetari./Opinion.al
View this post on Instagram
View this post on Instagram
