Gjermania ka raportuar sot 1.304 raste të tjera me koronavirus dhe 202 viktima sipas të dhënave nga Instituti Robert Koch.
Shifrat kanë pësuar një rritje e lehtë krahësuar me 1,154 raste të reja dhe 188 vdekje të njoftuara të martën.
Vendi me popullsinë më të mardh në Europë tani ka gjithsej 157,641 raste të konfirmuara dhe 6.115 humbje jete nga koronavirusit.
Nga sot në Gjermani janë të detyrueshme maskat për të hyrë në dyqane, të cilat filluan të hapen javën e kaluar. Mbulimi i hundës dhe i gojës është gjithashtu i detyrueshëm në autobusë, trena dhe tramvaje.
Gjobat nëse nuk vihet maska variojnë nga 15 € deri në 5,000 €, me tarifa që ndryshojnë në 16 shtetet federale të vendit. Ka disa shtete që nuk po vendosin gjobitje por ka dhe nga ato që janë goditur më shumë si Bavaria ku gjobat shkojnë në 5 mijë euro për shitësit e dyqaneve që nuk marrin masa. /Opinion.al
