Zëvendës Kryeministrja Senida Mesi ka qenë këto ditë e pranishme në Samitin e Procesit të Bashkëpunimit të Evropës Juglindore (SEECP), që u mbajt në Slloveni, në cilësinë e vendit kryesues.
Tema kryesore e samitit ka qenë e fokusuar në çështjet e zgjerimit të Bashkimit Evropian, sigurinë, perspektivën e të rinjve dhe transformimin digjital të shoqërisë.
Në fjalën e saj, Mesi ka vlerësur bashkëpunimin rajonal, duke e konsideruar atë si një instrument thelbësor në integrimin e mëtejshëm në Bashkimin Europian.
Por ajo nuk ka harruar të përcjellë edhe përgëzimet për zgjedhjen e Majlinda Bregut në pozicionin e Sekretarit të Përgjithshëm të Këshillit të Bashkëpunimit Rajonal dhe diplomacinë shqiptare për lobimin në lidhje me këtë arritje të Shqipërisë.
Por, përmes një postimi në FB, Mesi shkruan se ndjehet e lumtur edhe për Kosovën për marrjen e Presidencës së SEECP për vitet 2019-2020.
Pas Ditmir Bushatit permes Ministrise se Jashtme, Mesi eshte e dyta zyrtare e larte e qeverise, qe pershendet zgjedhjen e Bregut ne nje pozicion te BE-se.
