Nëse Ben Blushi, alias Shkrimtari, ka qenë gjithmonë i motivuar të shkruajë mbi pakënaqësitë, Edi Rama, alias Piktori, gjithmonë ka zgjedhur të mbajë një qëndrim më të rezervuar dhe të mos i përgjigjet sulmeve të vazhdueshme të Blushit. Por ky qëndrim deri në pikën kur Shkrimtari la disa mënjanë goditjen ndaj Rilindjes për të synuar fronin e Partisë. Gjë që vetëm Rama nuk kishte si të bënte më pasivin. Kështu edhe ai, i njohur për shpotitë, filloi ti kthehej Blushit, për të ravijëzuar ndoshta përplasjen më të fortë të titanëve brenda gjirit të Partisë Socialiste, në 15 vitet e fundit, pas KPD-së së famshme të vitit 2002, ku Partia Socialiste pësoi krisjen më të madhe.
Fillimisht Rama garantoi se nuk do ta përjashtojë Blushin nga Partia.
“Blushi nuk rezulton të ketë thyer ndonjë prej rregullave ku përcaktohet një gjë e tillë”.
Por kjo ishte sa për aperitiv, pasi Rama shpejt do ia kthente reston Blushit.
Nga Vlora, ku ishte i pranishëm në anëtarësimet e reja të Partisë, Rama edhe pse vazhdon ta ketë zët ti përmendë emrin, ka gjetur mundësinë ti japë një përgjigje Blushit duke thënë: “se ka kritikë që e kanë të lehtë ta bëjnë këtë sepse qëndrojnë në pozicionin komod të sehirxhiut. Por ne kemi marrë përsipër misionin e vështirë të reformimit të këtij vendi, që është një mision shumë më i vështirë”
I pyetur për qëndrimet e Blushit, Rama përgjigjej se nuk dëshironte të komentonte socialistët, qofshin ministra, qofshin deputetë, qofshin anëtarë partie, kur kanë këndvështrime të ndryshme me të.
Ndërsa po vetë e cilësonte farsë, gjykimin e Partisë Socialiste nga persona që e shajnë së jashtmi dhe më pas thonë se iu dhimbset.
“Nuk merrem me Blushin se i kam duart të zëna me punë. Nëse kam apo jo kohë të merrem me PS-në, këtë e gjykon PS-ja, jo një person nga jashtë dhe ata që shajnë PS nga pozicione të ndryshme. Dhe që gjoja iu dhimbset PS-ja. Kjo është një farsë”
Blushi ka nisur fushatën në rrethe. Kontrollon procesin zgjedhor të delegatëve që do të marrin pjesën në Kongresin e Jashtëzakonshëm të 29 marsit dhe nuk harron të qësendisë Ramën. I cili edhe pse i ka duart e zëna me punë, gjen kohë për ti liruar paksa dhe për tju kthyer Blushit.
“Mirënjohje socialistëve që megjithë shiun po votojnë në masë delegatet e Kongresit në qarqet FR EL KO BR. Qentë le të lehin, karvani ecën përpara’ shkruan Rama, ku kuptohet qartë se për kë lehës e ka.
Ping-pongu i batutave vazhdon në distancë. Herë në studiot televizive ku janë ftuar, herë në rrjetet sociale.
“Nuk dua të komentoj një njeri që e ka mendjen te lodrat, ata që duan të luajnë dhe e shohin partinë si lodër, po flas për njerëz serioz, vendi ka njerëz më të pjekur që mund ta drejtojnë dhe ajo ata e kanë mendjen të shkojnë në shtëpi e të luajnë. Nëse ai i konsideron ministrat dhe politikat si lodra, ndërron një elefant me një qenush, apo ndërron një qen me lesh me një ketër, unë nuk di, unë jam serioz e flas për politika”, thotë Blushi në ABC News.
Ndërsa Rama i përgjigjet…
“Kjo është një lodër dhe kohën për lodra ia kam rezervuar Zahos”.
Tani të gjithë janë sy e veshë si do të ecë karvani i PS-së pas kësaj përplasje titanësh? A do të jetë ky karvan po aq i qetë në rrugëtimin e tij sa Rama e shet në publik?!!! Sërish mbetet për tu pritur Kongresi i Marsit…
