Policia e Vlorës bëri me dije se gjatë 24 orëve të fundit ka arrestuar tre persona që akuzohen për vepra të ndryshme penale.
Në pranga ra 30-vjeçari M.F. për “Prodhim dhe shitje narkotikësh”. Ai u kap në flagrancë në fshatin Llakatund të Vlorës pasi nga kontrolli i ushtruar në automjetin e tij, iu gjet e fshehur një sasi lënde narkotike prej 220 gramë e llojit çokollatë.
Gjithashtu është ndaluar 38-vjeçari Gj.E. i shpallur në kërkim për veprën penale “Dhunë në familje” për të cilën Gjykata e ka dënuar me një vit burg.
Policia njofton se ka arrestuar edhe një 37-vjeçar D.P. për “Drejtimin e automjetit në mënyrë të parregullt”. Arrestimi i tij u bë në aksin rrugor “Pavarësia” Vlorë, aty ku u kap duke drejtuar një motorr pa targa dhe pa leje drejtimi përkatës./Opinion.al
