Këtë të mërkurë është mbledhur Komisioni për hetimin e inceneratorëve. Kryetarja e këtij komisioni, Jorida Tabaku ka dërguar 12 kërkesa disa institucioneve të rëndësishme në vend për vijimin e hetimeve.
Bëhët fjalë për Këshillin e Ministrave, Ministritë e Financave, Ministrinë e Mjedisit, atë të Infrastrukturës e Mjedisit, te Kontrolli i Lartë i Shtetit, bashkitë ku veprojnë inceneratorët, përfshirë bashkitë e Durrësit dhe Kavajës, disa drejtori që mund të zbardhin lëvizjet e parave për inceneratorët, lëvizjet e disa zyrtarëve me administratorët e incineratorëve, lidhjet e mëparshme të biznesit mes pronarëve të kompanive përfituese dhe ministrave të qeverisë së Edi Ramës
Kërkesa u janë drejtuar edhe bankave të nivelit të dytë, si dhe vetë kompanive përfituese të inceneratorëve, që është përqendruar tek 3 persona: Klodian Zoto, Mirel Mërtiri dhe Stella Gugallja.
Sipas PD, afera e inceneratorëve po u merr shqiptarëve rreth 400 milionë Euro për llogari të kompanive, të regjistruara në parajsa fiskale dhe me lidhje me ministra, kryebashkiakë dhe politikanë të lartë të partisë në pushtet.
