Nga Anila Hoxha
Vajzat e kazinove!
Mundohem të parkoj nëntokë pa rënë në sy. Aty duhet ëe takoj një nga kontaktet e mia, një vajzë që jo vetëm për shkak te bukurisë, por për shkak te zgjuarsisë, eksperiencës ne një kazino tjetër dhe anglishtes se rrjedhshme është punësuar në kazino.
Ajo me ka caktuar një ore fikse, mbas të cilës mbaron turnin. Pres dhe ndërkohë shoh një njeri te dëshpëruar qe godet me shkelm kolonën e betonit. Me pas e shan me një shqipe te ashpër.
Pak metra larg tij dera plot drita te fton të fitosh miliona.
Nuk do isha ne asnjë çast e tunduar, përderisa sa here flitet për lojërat e fatit, bixhozin dhe kazinotë me kujtohet fati i një të njohure. Një grua ekselente, e diplomuar ne Itali, që në muajin e nënte te shtatzënisë gjeti në krevat një letër lamtumire nga i shoqi. Nga një burrë i suksesshëm, ai përfundoi ne një kumarxhi qe la çdo gjë atë kohe, madje zeroi me mashtrim dhe llogarinë bankare, qe gruaja e kishte hapur dhe po mblidhte para veçmas për të blere krevatin e të bije. E për t’i dhënë lajmin se edhe paratë e fëmijës së palindur i pat lënë në bixhoz, ky burrë e njoftonte se ishte aq i keq sa nuk meritonte as vajzën që do lindte dhe as dashurinë e saj, ndaj po shkonte t’i jepte fund jetës. E kam lexuar atë letër dhjetëra herë atë dite, me një grua që nuk dinte nëse ishte apo jo gjalle partneri i saj, me një grua qe nuk po e kuptonte se ky ishte mashtrimi i radhës derisa ai i hapi telefonin dhe serish i kërkoi falje duke u përgjëruar.
Pas këtij rasti, sa here dëgjoj diçka të tille, kam frike dhe trishtohem. Në një nga çastet e saj të zbrazjes së mërzisë me pati thënë njëherë se ai pat shitur çdo gjë qe behej para, madje edhe unazën e martesës, i kishte bërë kala borxhet dhe shpikte armiq e sëmundje të pashërueshme.
Tek kujtoj ketë gjë, vajza që pres kalon si pa me vene re dhe më bën me shenje të vazhdoj në distancë pas saj. Ajo ka punuar ne te njëjtën kazino me 22-vjeçaren keniane Joyn, që erdhi mbas shoqeve te saj dhe u punësua si krupiere. Vdekja e saj, vazhdon të prodhojë dhjetëra pista, por asnjë autor. Shoqet, njëra prej te cilave u largua dhe shfaqet intensive në “Instagram”, këmbëngulin për emrin e një mashkulli xheloz. Policia vrapon sa në prokurori e sa në gjykatë, prej nga ku siguron kontrolle banesash, prej nga ku nuk gjendet asgjë. Përgjimet shfaqin miq e të njohur të shqetësuar. Ne kazino në fjale lojtaret po pakësohen. Kazinotë e tjera në kryeqytet po përthithin me ritëm të lartë lojtarët vip e u largua prej andej, apo dhe ata te vegjlit domethënë ata qe humbasin pak para e lenë pengje gjera te vogla si telefonin, orën, varësen.
“Puna që bënte Xhoi si krupiere është më e vështira, sepse e ke lojtarin përballe. Ai humbet, ai të shan, ti duhet te ruash qetësinë- nis rrëfimin vajza e kazinosë. Krupieri punon 20 minuta, me pas bën 30 minuta pushim. Mundësitë qe Xhoi të ketë krijuar një histori me një lojtar janë të pakta. Sepse lojtari e ka mendjen tek paratë, jo tek vajza. Na kane trajnuar, ne e dimë nga eksperienca se edhe kur lojtari që është prioriteti ynë, acarohet, shan me fjalët me banale mbasi po humbet, ne duhet të ruajmë qetësinë. Duhet te qeshim te qeta e tu ofrojmë shans qe ta provojnë serish.
Vajzat e kazinove si Xhoi, që vishte pantallona dhe një këmishe, qe të dyja pjese të uniformes si krupiere mbas 20 minutave bëjnë 30 minuta pushim.
Në dhomën e pushimit, aty ato flasin me njëra-tjetrën, me një anglishte përshkruajnë klientët, biznesmenë, apo vipa. Megjithëse edhe disa nga ata kërkojnë më tepër vajza qe flasin shqip, mbasi nuk kuptojnë asgjë në anglisht.
Disa janë të ankthshëm.
Disa të vrazhdë.
Disa përdorues kokaine.
“ Njëherë pastruesja e kazinosë erdhi mes nesh duke qarë. Kishte qene duke pastruar banjën dhe fshiu pluhurin, qe kishte qene droge e një lojtari, i cili sa ktheu kurrizin e pastaj pa banakun e tualetit te pastruar. Ajo e shkreta erdhi duke qare. Na erdhi keq.”- kujton e reja.
Po Xhoi i them, çfare bënte? Krupieren -thotë. Disa nga ne ishin te trajnuara te dallonin lojtaret me para, nga ata qe me një klik harxhojnë miliona. Se merr dot me mend sa para hidhen ne një kazino -thotë.
Xhoi – shton me tej ishte natyre e tërhequr. Vishej shume bukur dhe e mbanim si vajzën me sharm. Nuk tregonte asgjë për jetën e saj megjithëse ne e dinim se kompania e huaj e kishte sjelle këtu se bashku me shoqet. I paguante hostelin dhe transportin.
Si është të punosh në kazino e pyes? Jeta ne kazino është e zymte për lojtaret thotë nëpër dhëmbë. Duket me adrelinë, por është e zymte për ta. Slot attendand janë ca vajza te tjera qe janë te trajnuara për te futur ne kllape ata me para. Janë në çdo kazino. Ne kazino nuk ka ore, na kane thënë qe s’duhet të mbajmë orë sepse lojtari nuk duhet ta kuptoje kohen që ikën. Ne kazino s’ka dritare. S’ka dite. Nuk ka natë. Ka vetëm njerëz që duhet të lenë sa më shumë para. Ne karrierën time, një lojtar qëndroi tre dite i mbërthyer. Kati i pare është apex. Dhe i dyti po ashtu. I treti janë live. Aty ku punonte edhe Xhoi. Punojmë tre turne, në kazino nuk ka ditë pushim. Pastaj ka dhe kaziono prive, janë ata qe luajnë dhe duan që të mbeten sekret- thotë e reja.
Çfarë ndodhi kur mësuat për Xhoin e pyes.
– Mes nesh doli zëri që e kishin përdhunuar. Qe kishte udhëtuar ne jug te vendit pak dite përpara se te gjendej e flakur nga banesa. Qe shoqet e saj e dinin me ke shoqërohej. Pastaj erdhi policia dhe kane pyetur e shoqëruar çdo kend. Pak nga pak klientët po rrallohen”.
