Kreu i grupit parlamentar të PS-së, Bledi Çuçi, në një konferencë për mediat, ka prezantuar disa nga prioritetet e socialistëve për këtë sesion të ri parlamentar.
Gjatë fjalës së tij Çuçi u ndal te procesi i integrimit të vendit drejt BE-së, apo te reforma zgjedhore.
Teksa u ndal te vota e emigrantëve, Çuçi tha se PS e ka gati draftin për votën e emigrantëve, ndërsa shtoi se duhet vetëm konsensusi i opozitës që ai të kthehet në ligj.
“Do bëjmë maksimumin që të kemi pozicione negociuese me BE sa më të dobishme për Shqipërinë. Në procesin e integrimit do luajmë një rol të rëndësishëm.
Ne do luajmë edhe një rol në atë që quhet diplomaci parlamentare ku deputetet e PS do jenë të angazhuar për të përmirësuar imazhin e Shqipërisë në parlamentet e BE
Prioritet i dytë që është i rëndësie të madhe është fokusimi i grupit parlamentar të PS në reformën zgjedhor. Kemi një boshllëk që është krijuar nga vendimi i GJK, ne do gjejmë një formule që ti përshtatet Shqipërisë dhe të jetë brenda standardeve.
Do këmbëngulim që me reformën zgjedhore të adresojmë pa humbur kohë votën e emigrantëve. Ne si PS kemi qenë të qartë që ne një orë e më parë të krijojmë mundësinë që emigrantët të votojnë
Ne si PS e kemi qëndrimin tonë. Kemi edhe draftin tonë për ta adresuar këtë problem dhe presim një konsensus nga opozita që ta kthejmë në ligj dhe ti japim të drejtë asaj pjese të shqiptarëve që nuk është e vogël për tu shprehur me votë për qeverinë që ata duan
Shpresojmë që edhe opozita ta kuptojë këtë domosdoshmëri për të çuar para një grup nenesh që do të cojnë para votën e emigrantëve
Përveç reformë zgjedhore ne do të fokusohemi edhe në thellimin e reformës në drejtësi. Kemi vite që po aplikojmë ligjet e reja . Kjo kohë na ka shërbyer për të kuptuar se ku janë mangësitë. Aplikimi i këtyre ligjeve ka nxjerrë defekte të ndryshme që kanë bllokuar procese, kështu që Parlamenti ka disa kohë që ka ngritur disa kohe grupe pune me ekspertë të dy krahëve. Kemi formuluar disa amendamente që janë bërë në bashkëpunim edhe me ekspertë të huaj dhe tani jemi në diskutim me partnerët.
Me të arritur me një projekt përfundimtar do fillojmë procesin e diskutimit të gjerë për ta futur më pas në parlament. Shpresoj që brenda këtij sesioni të kemi miratuar këto amendamente.
Gjatë këtij sesioni do kemi edhe momente të rëndësishme politike apo momente që lidhet me emërimet institucioneve kushtetuese, këtu theksoj avokatin e popullit.
Duhet ta zgjedhim avokatin e popullit dhe jam besimplotë që me opozitën do nxjerrim një figurë që jo vetëm do vijë me propozim nga opozita, por që të jetë dinjitoze.
Një ftese për kolegët e opozitës që për çështjet e integrimit dhe konsolidimin e institucioneve të drejtësisë së re të kishim kontributin e kolegeve të opozitës për të bërë më të mirën”, tha Çuçi.
