Kampionia e Europës Luiza Gega ka zbuluar detaje nga jeta e saj private dhe familjare.
Gjatë një interviste në News 24, ndërsa ka kujtuar fëmijërinë, familjen ku u rrit mes 3 motrave dhe një vëllai Gega ka zbuluar gjithashtu dhe planet për jetën e saj personale.
“Prindërit ndoshta nuk kanë qenë një shtysë drejt sportit, por ata kurrë nuk më ndaluan për këtë ëndërr. Mundoheshin të më plotësonin çdo kërkesë”, tha atletja, ndërsa shtoi se në fillimet e saj në atletikë është stërvitur me burrin e tezes.
“Që fëmijë e mbaj mend veten time që doja të bëja maksimumin kur merrja përsipër diçka. T’i merrja maksimumin asaj që kisha mundësi. Nëse krahasohesh me të tjerët, harrohesh”, tha Gega në emisionin “Dola te Ola”.
E pyetur për çështjet e zemrës dhe jeten personale, Luiza Gega pohoi se për momentin po bëhet gati për Lojërat Olimpike që zhvillohen vitin e ardhshëm dhe më pas do të ketë një pauzë për të marr kohën e saj./Opinion.al
