Ministrja e Shëndetësisë, Ogerta Manastirliu ka njoftuar sot në një komunikim për mediat se duke nisur nga java e ardhshme fasha orare për qarkullimin e qytetarëve do të zgjerohet nga 90 minuta në 2 orë.
“Duke filluar nga dita e hene, date 27 Prill, do te zgjerohet fasha e levizjes per qytetareve nga 90 minuta ne 2 ore, duke ruajtuar parametrat e sigurise te distancimit social dhe duke zgjruar mundesine e kryerjes se sherbimeve thelbesore ne nje hapesire kohore me te gjere”, tha Manastirliu.
Ministrja shtoi se në datë 27 prill do të lejohen të ushtrojnë aktivitetin “dyqanet e veshjeve, tekstileve, këpucëve dhe artikujve prej lëkure, që tregojnë mobilje, pajisje të ndriçimit dhe artikujve shtëpiakë, luleve, bimëve, të kafshëve të shtëpisë dhe ushqimit të tyre në dyqane të specializuara, shërbimi Taxi, dyqanet e pajisjeve elektronike, lodrave për fëmijë, pajisjet sportive, pajisjet e telekomunikacionit”. Lista e plotë e bizneseve që hapen nga dita e hene, gjendet e plotë në portalin E-Albania.
“Keto biznese lejohen të ushtrojnë veprimtarinë e tyre nga ora 05:00-17:30, vetëm duke plotesuar dhe zbatuar protokolleve të miratuara, duke siguruar kushtet e detyrueshme higjieno sanitare dhe respektimin e distancimit fizik, për të garantuar sigurinë e qytetarëve dhe punonjësve”, tha ministrja.
Manastirliu foli gjithashtu për zonat e gjelbra në të cilat do të aplikohet një regjim më i lehtë masash.
“Në zonat e gjelbërta, lëvizja e pensionistëve do të jetë nga 6:00- 08:30 të mëngjesit. Qytetarët e tjerë do të lëvizin nga ora 09:30 deri 17:30, të shoqëruar jo më shumë se me një person. Përjashtim do të bëjnë qytetarët që kanë autorizim pune, të cilët nuk kufizohen nga oraret e sipërpërmendura. Ne zonat e gjelbërta parqet do të vazhdojnë të jenë të mbyllura edhe për 14 ditë dhe nuk do të lejohet grumbullimi dhe qëndrimi i më shumë se dy personave bashkë ne hapesirat publike. Sa i takon mjeteve private të transportit ato do të lejohen të qarkullojnë pa autorizim vetëm brenda Qarkut ose Bashkive përkatëse nga ora 09:30 deri 17:30, vetëm me një pasagjer. Eshte e rëndësishme të theksohet se nuk do të lejohet lëvizja me mjet privat ose si pasagjer i pensionistëve, përvec rasteve me autorizim për arsye shëndetësore”, tha ajo.
Kujtojmë se zonat e gjelbra janë shpallur qarku Dibër, qarku Gjirokastër, zona e përbashkët e bashkive Sarandë, Konispol, Himarë, Delvinë dhe Finiq, zona e përbashkët e bashkive Prrenjas, Pogradec dhe Librazhd dhe Bashkia Divjakë. /Opinion.al
