Në prezantimin e përditshëm të situatës së COVID-19 në vend, Dr. Eugena Tomini bëri me dije se të hënën do të nisë faza tjetër lehtësuese e masave, ndërsa vuri në dukje që 7 rastet e reja në 24 orët e fundit janë të përqendruara në vetëm 3 bashki.
Sipas të dhënave të Ministrisë së Shëndetësisë, vëreëhet se janë 4 rreethe me përqëndrimin më të lartë të rasteve dhe përkatësisht Tirana me 90 raste, Shkodra, me 20 raste, Kruja me 89 raste dhe Kurbini me 24 raste. Ndërkohë mbetet me vetëm 1 rast Fieri, Korça, Lezha, Lushnja dhe Mati, me 2 raste Elbasani, Mirdita dhe Berati, ndërsa 5 raste numërohen në Kukës.
“Pavarësisht se nga e hëna do të ketë një lehtësim tjetër të masave, Ministria e Shëndetësisë dhe Mbrojtjes Sociale i bën thirrje të gjithë qytetarëve që të vazhdojnë të respektojnë distancimin fizik dhe të mbajnë higjienën personale”, tha Tomini në daljen e saj./Opinion.al
