E teksa prej shumë muajsh ndodhet në kërkim ndërkombëtar në lidhje me akuzat ndaj tij për çështjen e inceneratorëve, këtë të enjte ish-zv.kryeministri Arben Ahmetaj u “shfaq” në emisionin “Opinion”.
Nuk bëhet fjalë për ndonjë lidhje live të Ahmetajt, por për një video që iu dërgua gazetarit Blendi Fevziu.
Aty shfaqet Arben Ahmetaj duke ecur në Zyrih të Zvicrës.
Blendi Fevziu: Ky filmim sapo ma çon dikush tani, besoj duhet të jetë Ahmetaj në Zyrish më thotë, por nuk i di të dhënat.
Armand Shkullaku: Mbase nuk është ai, mos është ndonjë aktor.
Blendi Fevziu: Ai është se video ishte pak më e gjatë dhe del edhe më afër, por shmanga unë gjatësinë.
Armand Shkullaku: Ti kishim parë fytyrën.
Blendi Fevziu: Do t’i shohësh fytyrën?
Armand Shkullaku: Na ka marrë malli mo tashi. Nga e ecura si Tigri duket. Po mo… zoti Beni.
Blendi Fevziu: Po ku po shkon Shkullak?
Armand Shkullaku: Ky është lajm turistik. Dhe ti mirë bën që e fut se më duket si videot e tua kur udhëton.
Blendi Fevziu: Nuk e di çfarë ka në çantë?
Armand Shkullaku: Çfarë do të ketë në çantë Batoni thotë prapë është i poshtër.
Blendi Fevziu: Mos ka dokumente?
Armand Shkullaku: Dokumentet i tha me fjalë. Për mua, jo vetëm për mua, por në çdo vend normal të botës kur del numri dy i qeverisë dhe akuzon kryeministrin me të cilin ka bashkëqeverisur çdo vend i botës i merr seriozisht.
