Deklarata e dhënë nga pallati i Kensigntonit, për zyrtarizmin e fejesës së tyre dhe planet për një martesë të mundshme në pranverën e vitit 2018 ditën e djeshme kanë zbuluar edhe të ardhmen aktores amerikane Meghan Markle e cila do të jetë princesha e ardhshme. Kështu që Maghan do të jetë e detyruar të heqi dorë nga disa gjëra në jetën e saj, për të qenë e denjë për këtë etapë të re të jetës së saj me Princin Harry. Sigurisht nuk duhet të presim një ceremoni madhështore si ajo e princit William, kjo për dy arsye.
E para, e dashura e Harry-it, Meghan Markle është martuar një herë në kishë me ish-bashkëshortin e saj dhe nuk mund ta bëjë sërish të njëjtën gjë.
E dyta, vet Princi është shprehur se dëshiron një dasmë të vogël, jashtë vëmendjes së mediave. Duket se familja mbretërore po përgatitet që të mirëpresë një anëtare të re, e cila ashtu si dukesha Kate, do t’i përshtatet rregullave strikte mbretërore.
Nga ana tjetër Meghan nuk do të shkruajë më në blogun e saj TheTig.com, kjo pasi sipas familjes mbretërore nuk është e hijshme për anëtarët e tyre. Madje ajo ka nisur t’u thotë “mirupafshim” ndjekësve të saj. Gjithashtu pritet të ajo të heqë dorë nga karriera e saj si aktore. Ja pra që të qenurit bashkëshortja e një Princi nuk mund të jetë aq e lehtë sa mendohet. /Opinion.al
