Nga Çela, te Dumani, krerët e institucioneve të drejtësisë pritet të raportojnë para deputetëve. Ja rendi i Kuvendit sot 

Kreu i SPAK, Altin Dumani u paraqit mëngjesin e sotëm në ambientet e Kuvendit të Shqipërisë, ku pritet të raportojë para deputetëve veprimtarinë vjetore të Prokurorisë së Posaçme anti-Korrupsion. 

Gjithashtu edhe kryeprokurorin Olsian Çela, si dhe përfaqësuesit e ILD-së, KLGJ-së dhe KLP-së, që do të raportojnë në Kuvend.  

Ashtu siç shihet edhe në foto, përfaqësuesit e këtyre institucioneve ndodhen në pjesën e lozhave të Kuvendit. 

Seancë plenare, 15 Korrik 2024 

Rendi i ditës: 

1. Miratimi i procesverbalit të seancës plenare të datës 4.7.2024.
2. Njoftime.
3. Raport i Prokurorit të Përgjithshëm mbi gjendjen e kriminalitetit, për vitin 2023.
4. Raport mbi veprimtarinë e Strukturës së Posaçme kundër Korrupsionit dhe Krimit të Organizuar (SPAK) për 2023.
5. Raport i veprimtarisë vjetore të Inspektorit të Lartë të Drejtësisë (ILD), për vitin 2023.
6. Raport mbi gjendjen e sistemit gjyqësor dhe veprimtarinë e Këshillit të Lartë Gjyqësor për vitin 2023.
7. Raport i veprimtarisë vjetore të Këshillit të Lartë të Prokurorisë për vitin 2023.
8. Diskutime për çështje të evidentuara nga zgjedhësit.