Rusia ka vendosur sanksione kundër presidentit amerikan Joe Biden, djalit të tij, Sekretarit të Shtetit Antony Blinken, zyrtarëve të tjerë amerikanë dhe “individëve të lidhur me ta”.
Në një deklaratë të dhënë të martën Ministria e Jashtme Ruse shpjegoi se ky hap hakmarrjeje ishte “një pasojë e pashmangshme e kursit jashtëzakonisht rusofob të marrë nga administrata aktuale e SHBA-së, e cila, në një përpjekje të dëshpëruar për të ruajtur hegjemoninë amerikane, është mbështetur, duke hedhur poshtë çdo mirësjellje të Rusisë.”
Ndërkohë CNN ka publikuar një listët zyrtarëve të përfshirë në “listën e ndalimit” të Rusisë:
Presidenti i SHBA Joe Biden
Sekretari i Shtetit Antony Blinken
Sekretari i Mbrojtjes Lloyd Austin
Kryetari i Shefave të Përbashkët të Shtabit Gjeneral Mark Milley
Këshilltari i Sigurisë Kombëtare Jacob Sullivan
Drejtori i CIA-s, William Burns
Sekretarja e shtypit e Shtëpisë së Bardhë, Jen Psaki
Daleep Singh, zëvendës këshilltar i Bidenit për sigurinë kombëtare për ekonominë ndërkombëtare
Administratorja e Agjencisë së Shteteve të Bashkuara për Zhvillim Ndërkombëtar, Samantha Poëer
Djali i Presidentit Biden, Hunter Biden
Ish-sekretarja e shtetit Hillary Clinton
Zëvendës Sekretari i Thesarit Ëally Adeyemo
Reta Jo Leëis, presidente dhe kryetare e bordit të drejtorëve të Bankës së Eksport-Importit
Deklarata njofton se do të pasojnë më shumë sanksione për të zgjeruar listën duke përfshirë “zyrtarë të lartë amerikanë, zyrtarë ushtarakë, ligjvënës, biznesmenë, ekspertë dhe njerëz të medias që janë rusofobikë ose kontribuojnë në nxitjen e urrejtjes ndaj Rusisë dhe futjen e masave kufizuese”.
Qeveria ruse dhe institucionet e saj bankare do t’i zbatojnë kolektivisht këto sanksione, shtoi ai.
