Prej vitit 2019 Angelin Preljocaj është pjesë e Akademisë së Arteve të Bukura në Francë dhe padyshim një nga emrat më të njohur e të suksesshëm të koreografisë franceze. Por historia e tij është sa e veçantë aq dhe e pabesueshme, teksa nis në fakt tek një arrati e babait të tij nga Vermoshi.
Në një intervistë për emisionin “Opinion”, Prejlocaj ka rrëfyer historinë e atij momenti dhe vendosjen e familjes në Francë.
Pjesë nga intervista
Z.Preljocaj të gjithë e dine se ju jeni shqiptar.
Mund të na tregoni historinë e familjes suaj, si u largua ajo nga Vermoshi në vitin 1957, besoj?
Më përpara. Pak më parë, sepse babai im u martua në Ulqin me nënën time.
Në Ulqin? Pra, është larguar babai juaj nga Vermoshi?
U largua bashkë me të vëllanë dhe të atin.
Në atë kohë?
Gjyshi im…
Ju e dini mirë se ishte tejet e vështirë të kalohej kufiri në atë kohë?
E vërtetë.
Të rrezikohej jeta.
E saktë, e saktë.
Jua tregonte ai historinë si e kaloi kufirin?
Nuk fliste shumë, por pak nga pak e kuptova më vonë se ai ishte nisur me të atin dhe të vëllanë. Kaluan malet dhe arritën…
Në ish-Jugosllavi.
Po, në ish-Jugosllavi, në Ivangra që sot quhet Beran.
Atje, u njohën me nënën time.
Nëna juaj është shqiptare.
Nga Ulqini.
Shqiptare e Malit të Zi?
Dhe u martuan në Ulqin?
Në Ivangrad, besoj.
Si u largua familja juaj nga ish-Jugosllavia në atë kohë për t’u vendosur në Paris?
Kam dëgjuar se ishin në pritje të vizës amerikane për t’u shpërngulur për në SHBA. Është e vërtetë?
Po, ashtu është. Por duke qenë se procedura e vizës zgjaste shumë, prindërit e mi gjetën punë në Francë.
Pse zgjodhën Francën dhe jo Italinë, për shembull?
Zgjodhën Francën, sepse procedura e vizës zgjaste, filluan punë, u sistemuan. Kur u doli viza…
Ishte shumë vonë./Opinion.al
