Lirimi i masave të qarkullimit nga ana e qeverisë ka sjellë një rritje të menjëhershme të shkeljeve të rregullave.
Kjo shihet në shifrat e publikuara nga policia e shtetit lidhur me subjektet e gjobitura.
Numri i drejtuesve të automjeteve është rritur nga 33 ditën e hënë në 130 dhe më pas 217 siç raportohet sot.
Ata janë ndëshkuar me heqje të lejes së drejtimit dhe bllokim mjeti, në zbatim të Aktit Normativ ”Për marrjen e masave të veçanta administrative gjatë kohëzgjatjes së periudhës së infeksionit të shkaktuar nga virusi COVID-19″.
Një rritje me disa fish shihet dhe në numrin e qytetarëve të cilët qarkullojnë pa leje daljeje. Për ditën e hënë policia raportoi se ishin gjetur në shkelje 253 qytetarëve ndërkohë që numri kërceu në ditën e martë në 619, ndërsa ditën e sotme në njoftimin e policisë thuhet se ditën e djeshme u gjobitën me 10 mijë lekë 593 qytetarë në të gjithë Shqipërinë.
Rritja e numri të shkeljeve ka shkuar paralel edhe me numrin e rasteve të reja në vendin tonë ku nga 9 raste të raportuara 3 ditë më parë sot ato u rritën me 24. /Opinion.al
