Ministrja e Shëndetësisë, Ogerta Manastirliu ka njoftuar se nga 1 tetori do të hapen ambientet e brendshme të lokaleve. Ministrja theksoi se lokalet do të lejohen në ambientet e brendshme duke respektuar protokollin anti-COVID.
Po ashtu, do të lejohen të ushtrojnë aktivitetin e tyre restorantet dhe pishinave në ambiente të mbyllura. Në një dalje për mediat , Manastirliut theksoi se stafi i tyre duhet të jetë i pajisur me maska dhe dorezë dhe të respektojnë të gjitha rregullat anti-covid.
“Në vijim të Paketës së Masave, Komiteti Teknik i Ekspertëve ka miratuar Protokollet e posatshme të sigurisë për rihapjen nga data 1 Tetor, të restoranteve dhe bareve në ambiente të mbyllura si dhe të pishinave në ambiente të mbyllura, ku distancimi fizik, higjiena dhe mbajtja e maskës nga stafet që shërbejnë është e detyrueshme në çdo subjekt”,-tha Manastirliu.
Duke theksuar se respektimi i protokolleve të sigurisë është kusht i panegociueshëm, Manastirliu kërkoi bashkëpunimin e qytetarëve dhe biznesit.
“Task-Forca e inspektimit të protokolleve anticovid, policia e shtetit dhe policia bashkiake do të inspektojnë zbatimin e protokolleve duke ndërmarrë masat sipas legjislacionit në fuqi, me qëllim mbrojtjen e shëndetit të qytetarëve. Por nëse duam që aktivitetet ekonomike të mos pengohen dhe ekonomia të ecë përpara, duhet të marrim përgjegjësinë që na takon, duke nisur nga institucionet, biznesi dhe çdo qytetar”, tha Manastirliu.
Minisitrja tha se do të vijonë të mbeten të mbyllura klubet e natës, pub-e e disko./ Opinion.al
Udhezues i masave higjeno sanitare COVID-19 ne bare ose restorante ne mjedise te mbyllura
Udhezues per masat higjeno sanitare ndaj COVID-19 per aktivitetin e pishinave ne amjentet e mbyllura
