Duket se Neymar ende nuk është i qartë se ku do të luaj sezonin e ardhshëm. Kur dukej se braziliani do të rikthehej përfundimisht në Barcelonë, sulmuesi ka bërë lëvizjen e papritur.
Sipas L’Equipe”, Neymar ka vendosur që të luaj për PSG edhe për një vit, kjo pas dështimit të shumë tentativave të katalanasve për të arritur marrëveshjen me PSG.
Ndërkohë, duke iu referuar “Sport”, Neymar ka shprehur gadishmërinë për të dhënë vetë 20 milionë euro për të zhbllokuar tratativën dhe për të riveshur fanelën “blaugrana”.
“Propozimi i vetëm i shkruar nga Barcelona na erdhi në datën 27 gusht. Ishim të gatshëm për të negociuar, por nuk na u kthye përgjigjja që prisnim. Marrëveshja nuk është arritur. Gjithsesi, ka afat deri në përfundimin e merkatos, por tani varet nga Barcelona”, tha drejtori sportiv i PSG, Leonardo./ Opinion.al E.Xh.
