Pas finales të Kupës së Francës, Neymar nuk është përmbajtur dhe ka qëlluar me grusht një nga tifozët i cili bëri komente fyese nda tij.
Incidenti ndodhi kur futbollistët e Paris Saint-Germainit po ngjiteshin në shkallët e stadiumit, por fjalët e tifozit të identifikuar si Nelson, bënë që Neymar të humbiste durimin dhe e goditi atë me grusht.
Në një intervistë për gazetën franceze “L’Equipe”, Nelson ka treguar çfarë ka ndodhur gjatë dhe pas incidentit.
Ai shprehet se pas këtij incidenti ai ka pasur kërcënime dhe se për një javë ai nuk ka dalë nga banesa e tij.
Përse vendose të flasësh?
Për t’iu përgjigjur njerëzve që më akuzuan se kam dashur të fitoj para nga ky incident. Unë nuk e kam kërkuar asnjë qindarkë. Nëse do të doja të bëja para nga kjo, do të bëja ankesë në gjykatë, por s’e kam bërë.
A ka pasur reagime të dhunshme ndaj jush?
Mediat e dënuan reagimin e Neymarit, jo fjalët e mia, por sot unë jetoj nën kërcënim. Disa njerëz madje tentojnë të më tregojnë se kam bërë komente raciste.
A të kanë kërcënuar në shtëpi?
Njerëzit e kanë shpërndarë adresën time në rrjetet sociale, gjë që po i tejkalon kufijtë. Jam person që e jeton jetën dhe i pëlqen të dal të argëtohet, por nuk kam mundur të dal nga shtëpia për një javë. Të enjten, katër njerëz kaluan pranë meje dhe më thanë: “herën tjetër që e prek Neymarin, do ta shohësh çfarë do të të bëjmë ty”.
A jeni penduar?
Natyrisht se pendohem për atë që e kam thënë, ama fjalët e mia nuk ishin provokim. Tifozët qeshin, argëtohen, kështu ndodhin gjërat. Pendohem për fjalët e mia, ama Neymari nuk është dashur të reagonte ashtu.
Çfarë kërkon nga Neymari?
Thjesht dua ta takoj dhe t’i rregulloj gjërat me të, t’i kërkoj falje dhe t’i shtrij dorën./ Opinion. al E.Xh.
