Neymar do të bëhet baba për herë të dytë. Lajmin e ka dhënë vetë braziliani, teksa ka postuar një foto të ëmbël së bashku me partneren e tij, 29-vjeçare Bruna Biancardi.
“Ne kemi ëndërruar për ty, po planifikojmë ardhjen tënde dhe dije që je këtu për të kurorëzuar dashurinë tonë dhe për t’i bërë ditët tona shumë më të lumtura”, ka shkruar bukuroshja në rrjetet sociale, postim ky i cili ka marrë miliona pëlqime. Ajo ka zbuluar edhe gjininë! Është djalë! “Eja shumë shpejt biri im. Të presim!”, vijon ajo.
Neymar, i cili është babai i 11-vjeçarit Davy Luca nga lidhja e tij e mëparshme me Carolina Dadas, u takua me Brunën rreth dy vjet më parë. 31-vjeçari dhe bukuroshja brune u fotografuan në gusht të 2021, teksa ishin të shoqëruar nga Lionel Messi dhe gruaja e tij Antonella Roccuzzo në një jaht gjatë pushimeve të tyre verore në Ibiza. Mirëpo, konfirmimi i lidhjes së tyre erdhi më 24 prill 2022, përmes një fotografie të postuar nga Bruna në llogarinë personale në Instagram, ku shkruante “Të dua”.
