Neymar si pasojë e një deklarate të dhënë sot për “The Daily Express”, ka ‘firmosur’ vërshëllimat në “Anfield” kur Paris SG të vizitojë Liverpool-in për përballjen në grupet e “Champions League”.
Braziliani bëri një parashikim interesant për “Premier League” këtë sezon teksa ishte në Barcelonë me rastin e Turneut Europian të Pokerit “PokerStars”.
“Kush do ta fitojë Premier League? Uoooh, kjo është e vështirë. Është shumë e fortë, shumë e vështirë, por Manchester City do ta fitojë. United do të jetë i dyti, Chelsea e treta. Në vend të katërt Tottenham.”
Kur u pyet edhe më konkretisht për të kuqtë, Neymar konfirmoi: “Jo Liverpool”, pavarësisht se shoku i tij i ngushtë, Philippe Coutinho pati luajtur për pesë vite në Anfield dhe ndonëse të kuqtë aktualisht kryesojnë klasifikimin në ‘Premier League’ me pikë të plota në këtë fillim sezoni./BalkanWeb
